માત્ર ઈમેલ દ્વારા
પ્રતિ,
આચાર્યશ્રી તથા ઇકો ક્લબ ઇન્ચાર્જશ્રી,
એન.જી.સી. ઇકો ક્લબ ધરાવતી શાળા તથા કોલેજ
તમામ
વિષય: સિંગલ-યુઝ પ્લાસ્ટિકને આપણા જીવનમાંથી જાકારો આપીએ
'ગીર' ફાઉન્ડેશન તરફથી આપ સૌને સ્વતંત્રતા પર્વની ખૂબ ખૂબ શુભેચ્છાઓ…
આપ સૌ જાણો જ છો કે કેટલાક સમય પહેલા નૅશનલ ગ્રીન કૉર્પ્સ (એન.જી.સી.) ઇકો ક્લબ ધરાવતી શાળાઓ ડિસ્પોઝેબલ પ્લાસ્ટિકનો ઉપયોગ ન કરીને પ્લાસ્ટિક મુક્ત શાળા બને તે અંગે ભારત સરકારના પર્યાવરણ વન અને જળવાયુ પરિવર્તન મંત્રાલય દ્વારા એક અભિયાન શરૂ કરવામાં આવ્યું હતું. આ અભિયાનને જાણે વાચા મળી ગઈ છે. ભારતના લાલ કિલ્લા પરથી 73 માં સ્વતંત્રતા દિવસ નિમિત્તે રાષ્ટ્રને સંબોધન કરતા ભારતના વડપ્રધાન શ્રી નરેન્દ્ર મોદીએ જણાવ્યું હતું કે સિંગલ-યુઝ પ્લાસ્ટિક પર્યાવરણ માટે સારું નથી અને લોકોને સિંગલ-યુઝ પ્લાસ્ટિક સંપૂર્ણપણે નાબૂદ કરવા હાંકલ કરી છે. તેમણે વધુમાં જણાવ્યું હતું કે સિંગલ-યુઝ પ્લાસ્ટિક પર્યાવરણ માટે ગંભીર ખતરો છે, શું આપણે ભારતને સિંગલ-યુઝ પ્લાસ્ટિકથી મુક્ત કરી શકીશું? આવા વિચારને અમલમાં મૂકવાનો સમય પાકી ગયો છે. આ દિશામાં કાર્ય કરવા માટે એકત્રીત થવું જોઈએ. આથી તમામ એન.જી.સી. ઇકો ક્લબ શાળાને નીચેની પ્રવૃત્તિઓ હાથ ધરવા અનુરોધ કરવામાં આવે છે:
• પ્લાસ્ટિક પોલીબૅગ્સ, પ્લાસ્ટિક કપ, પ્લાસ્ટિક પ્લેટસ, સ્ટ્રો વગેરે જેવી ડિસ્પોઝેબલ પ્લાસ્ટિક/સિંગલ-યુઝ પ્લાસ્ટિકની વસ્તુઓ એટલે કે ફકત એક જ વખત વપરાતી પ્લાસ્ટિક વસ્તુઓનો શાળા પરિવારના કોઈપણ સભ્યો (વિદ્યાર્થીઓ, શિક્ષકો, સંચાલક મંડળના વ્યક્તિઓ વગેરે તમામ) દ્વારા ઉપયોગ બંધ કરવો. શાળા દ્વારા યોજાતા કોઈપણ પ્રસંગોમાં પણ આવા પ્રકારના પ્લાસ્ટિકની વસ્તુઓનો ઉપયોગ ન કરવો.
• શાળાઓ દ્વારા સ્વચ્છતા અભિયાન ચલાવી શાળા પરિસર તેમજ આસપાસના વિસ્તારને પ્લાસ્ટિક મુક્ત બનાવી તેની સ્વચ્છતા જાળવી રાખવી.
• શાળાઓ દ્વારા પ્લાસ્ટિક પ્રદૂષણથી થતા નુકશાન અંગે જાગૃતિ અભિયાન ચલાવી સમાજમાં સિંગલ-યુઝ પ્લાસ્ટિકનો ઉપયોગ સદંતર બંધ થાય તે અંગે પ્રયાસો કરવા.
માનનીય વડપ્રધાન શ્રી નરેન્દ્ર મોદીના આ શબ્દોને સાર્થક કરવા આપણે સૌ સાથે મળીને એક અભિયાન હાથ ધરીએ અને સિંગલ-યુઝ પ્લાસ્ટિકને આપણા જીવનમાંથી જાકારો આપીએ. આવો સહુ સાથે મળીને સિંગલ-યુઝ પ્લાસ્ટિકના દૂષણને મહાત કરીએ.
- સહિ -
(આર.ડી. કમ્બોજ)
નકલ સવિનય રવાના:
• અગ્ર સચિવશ્રી, શિક્ષણ વિભાગ, ગુજરાત રાજ્ય તરફ જાણ તેમજ આ અભિયાનને પ્રોત્સાહન આપવા સારૂ
• સચિવશ્રી, પ્રાથમિક અને માધ્યમિક, શિક્ષણ વિભાગ, ગુજરાત રાજ્ય તરફ જાણ તેમજ આ અભિયાનને પ્રોત્સાહન આપવા સારૂ
• નિયામકશ્રી, શાળાઓ, ગુજરાત રાજ્ય, ગાંધીનગર તરફ જાણ તેમજ આ અભિયાનને પ્રોત્સાહન આપવા સારૂ
• જિલ્લા કલેક્ટરશ્રી, તમામ તરફ જાણ તેમજ આ અભિયાનને પ્રોત્સાહન આપવા સારૂ
• જિલ્લા વિકાસ અધિકારીશ્રી, તમામ તરફ જાણ તેમજ આ અભિયાનને પ્રોત્સાહન આપવા સારૂ
• જિલ્લા શિક્ષણાધિકારીશ્રી, તમામ તરફ જાણ તેમજ આ અભિયાનને પ્રોત્સાહન આપવા સારૂ
• જિલ્લા પ્રાથમિક શિક્ષણાધિકારીશ્રી, તમામ તરફ જાણ તેમજ આ અભિયાનને પ્રોત્સાહન આપવા સારૂ
• જિલ્લા સંકલનકારશ્રી, તમામ તરફ જાણ તેમજ આ અભિયાનને પ્રોત્સાહન આપવા સારૂ
